Fréttir

Aðalfundur Skálatúnsheimilisins fór fram mánudaginn 2.júlí 2007.

Þann 16.júní s.l. gengu í hjónaband Isabelle og Sigmar Massoubre.

Það væri ekki í frásögur færandi nema fyrir það að brúðhjónin ákváðu í boðsbréfi að afþakka gjafir, en óskuðu þess í stað eftir því að andvirði gjafanna rynni til Skálatúnsheimilisins.

Þann 14.júní s.l. fengu heimilismenn að Skálatúni kærkomna heimsókn. Þar voru komnir færandi hendi félagar í Lionsklúbbnum Þór með Sigurjón Einarsson formann klúbbsins í fararbroddi.

Opið hús var á vinnustofum og Skjóli á alþingiskosningadaginn, Laugardaginn 12.maí 2007.

Nokkur vafi lék á að þessi dagur væri heppilegur með tilliti til gesta, en raunin varð sú að margur lagði leið sína á svæðið í leiðinni á eða frá kjörstað. Mikill fjöldi góðra muna var til sýnis og sölu og sala muna með mesta móti.

Hið árlega þorrablót heimilismanna Skálatúnsheimilisins var haldið í félagsheimili Grensáskirkju föstudaginn 2.febrúar s.l. Allir heimilismenn og fjöldi ættingja og vina sóttu blótið, auk fjölda starfsmanna. Maturinn kom frá fyrirtækinu Gæðakokkar í umsjá matreiðslumannsins Magnúsar Níelssonar á Blikastöðum, og þótti hann að vanda frábær að gæðum og vel útilátinn. Að borðhaldi loknu fór fram afhending afreksbikars Skálatúnsheimilisins vegna ársins 2006 og hlaut hann að þessu sinni Ragnhildur Bjarnadóttir í Fögruhlíð. Bikarinn hafði  í eitt ár verið í umsjá Karls Riba í Austurhlíð sem verðlaunahafa ársins 2005.

Snorri Magnússon sundkennari afhenti bikarinn og sagði Ragnhildi vel komna að þessari viðurkenningu vegna góðrar ástundunar í sundinu. Ljóst væri að margir hefðu komið til greina, en aðeins einn útvaldur bikarhafi.

Félagar í Lionsklúbbnum Fold aðstoðuðu við framreiðslu og frágang eins og undanfarin ár, og eru þeim færðar bestu þakkir fyrir.

Yfirþroskaþjálfa vantar í 100 % stöðu  dagþjónustu á Skálatúni. Er ekki einhver sem vill taka þátt í skemmtilegri uppbyggingu og stefnumótun á dagþjónustu? Starfssvið yfirþroskaþjálfa í dagþjónustu er eftirfarandi:

• Ber ábyrgð á faglegu starfi innan dagþjónustunnar m.t.t. markmiða Skálatúns.
• Setur fram markmið og mótar stefnu dagþjónustunnar.
• Endurmetur þjónustuna reglulega
• Veitir einstaklingsmiðaða þjónustu.
• Hefur hagsmuni þjónustunotenda í fyrirrúmi og stendur vörð um réttindi þeirra.
• Heldur uppi samstarfi við heimili og aðstandendur eins og kostur er.
• Kynnir starfsemi dagþjónustunnar fyrir starfsfólki og hópum.
• Veitir faglegan stuðning/ráðgjöf til annara starfsmanna.
• viðheldur og eykur þekkingu sína með því að sækja námskeið/fræðslu.
• Kynnir sér nýjungar og tileinkar sér eftir því sem hentar starfseminni.
• Tekur þátt í þverfaglegu samstarfi eftir þörfum

Staðan er laus frá 1. febrúar eða eftir samkomulagi. Nánari upplýsingar Anna Kristín Gunnlaugsdóttir í síma 5306603 og Steinunn Guðmundsdóttir í síma 5306607

Stuðningsfulltrúa vantar í vetrarafleysingar í 100% stöðu, gangandi vaktir.

Stuðningsfulltrúa vantar í vaktavinnu,100% starf. Einnig vantar stuðningsfulltrúa í 45-50 % stöðu þar sem vaktir eru breytilegar. Upplýsingar gefur forstöðuþroskaþjálfi, Anna Kristín í síma 530 6603. Einnig er hægt að fylla út umsókn hér á netinu.
sækja um