Starfsmannastefna

Starfsmannastefna Skálatúns - Markmið og gildissvið

Markmið starfsmannastefnu Skálatúns, er að skapa starfsmönnum góð starfsskilyrði, þannig að þeir geti veitt íbúum góða þjónustu og jafnframt notið ánægju í starfi. Markmiðið er að hafa ávallt á að skipa hæfum og áhugasömum starfsmönnum sem veitt geta góða þjónustu og brugðist við síbreytilegum þörfum heimilisins. Starfsmannastefnan á að tryggja starfsmönnum ákveðin starfsskilyrði svo þeim líði vel  í vinnunni og möguleika á að vaxa og dafna í starfi.., Mikil áhersla er lögð á eftirfarandi þætti til að ná settum markmiðum starfsmannastefnunnar:

• Öfluga fræðslu og símenntun, enda er það sameiginleg hagsmunamál okkar allra sem störfum á Skálatúni
• Jákvæðni í garð starfsins. Jákvæðni er afar mikilvæg við mótun og þróun í málefnum heimilisins.
• Tryggja skal sem best öruggt starfsumhverfi sem er forsenda þess að góður starfsandi og árangur náist í starfi og rekstri heimilisins
• Ábyrgð skal dreift þannig að sjálfstæði og frumkvæði starfsmanna fái að njóta sín sem best.
• Við viljum stuðla að góðum starfsanda og  við starfsmenn sýnum hvort öðru tilhlýðilega virðingu, umburðarlyndi og jákvætt viðmót. 
•  Við  viljum leggja  kapp á markvissa upplýsingagjöf til starfsmanna með , reglubundnum fundum, með skilvirkri notkun upplýsingatöflu á hverjum vinnustað og tölvupósti þar sem því verður við komið.